PM મોદીને ભેટમાં મળી Lionel Messi ની ફૂટબોલ જર્સી, YPF પ્રમુખે આપી ભેટ

બેંગલુરુમાં ઈન્ડિયા એનર્જી વીક 2023ના ઉદઘાટન સમયે આર્જેન્ટીનાના YPF પ્રમુખ પાબ્લો ગોન્ઝાલેઝ દ્વારા ભારતના વડાપ્રધાન નરેન્દ્ર મોદીને લિયોનેલ મેસીની જર્સી આપવામાં આવી હતી. મોદીએ ફ્રાન્સને રોમાંચક ફાઇનલમાં હરાવીને કતારમાં ફિફા વર્લ્ડ કપ જીત્યા બાદ આર્જેન્ટિના અને મેસ્સીને અભિનંદન પાઠવ્યા હતા.

તમને જણાવી દઈએ કે ગયા વર્ષે રમાયેલા ફિફા વર્લ્ડ કપમાં આર્જેન્ટિનાએ ભૂતપૂર્વ ચેમ્પિયન ફ્રાન્સને હરાવીને વર્લ્ડ કપ જીત્યો હતો. આર્જેન્ટિનાના કેપ્ટન લિયોનેલ મેસીનું વર્લ્ડ કપ જીતવાનું સપનું પૂરું થયું. આર્જેન્ટિનાની ટીમને વર્લ્ડ કપ જીતવા બદલ અભિનંદન આપતા મોદીએ ટ્વિટ કર્યું હતું કે, “આ અત્યાર સુધીની સૌથી રોમાંચક ફૂટબોલ મેચોમાંની એક તરીકે યાદ કરવામાં આવશે! ફિફા વર્લ્ડ કપ ચેમ્પિયન બનવા બદલ આર્જેન્ટિનાને અભિનંદન! તેઓએ સમગ્ર ટૂર્નામેન્ટમાં શાનદાર પ્રદર્શન કર્યું છે.” લાખો લોકો આર્જેન્ટિના અને મેસ્સીના ભારતીય ચાહકો આ મહાન જીતથી ખુશ છે!”

પેનલ્ટી શૂટઆઉટમાં આર્જેન્ટિનાનો વિજય થયો હતો
નોંધનીય છે કે ફિફા વર્લ્ડ કપની ફાઇનલમાં આર્જેન્ટિનાએ ફ્રાંસને પેનલ્ટી શૂટઆઉટમાં 4-2થી હરાવ્યું હતું. રમતની 90 મિનિટમાં બંને ટીમો 2-2 થી બરાબરી પર હતી. રોમાંચક ફાઇનલમાં વધારાના સમય બાદ મેચ 3-3ની બરાબરી પર સમાપ્ત થઈ હતી. આ પછી પેનલ્ટી શૂટઆઉટ થયું, જેમાં મેસ્સીની ટીમ જીતી ગઈ. મેસ્સીએ ફાઈનલ મેચમાં 2 ગોલ કર્યા હતા. આ સાથે જ ફ્રાન્સના કૈલિયન એમબાપ્પે ગોલની હેટ્રિક નોંધાવી હતી.

પીએમ મોદીએ એનર્જી વીક 2023નું ઉદ્ઘાટન કર્યું
ભારતના વડાપ્રધાન નરેન્દ્ર મોદીએ સોમવારે ઈન્ડિયા એનર્જી વીક 2023નું ઉદ્ઘાટન કર્યું. ઉદ્ઘાટન દરમિયાન પીએમ મોદીએ ભારતમાં ઉર્જાની માંગનો મુદ્દો ઉમેર્યો હતો. તેમણે આ ક્ષેત્ર સાથે સંબંધિત ત્રણ પ્રોજેક્ટનું ઉદ્ઘાટન કર્યું. તેમજ તેને ઉર્જા ક્ષેત્રે એક મોટું પગલું ગણાવ્યું હતું.