ચેસ રમ્યા વિના ભારતની બેટીએ બનાવ્યો આવો રેકોર્ડ, આખી દુનિયા કરી રહી છે વખાણ

સોશિયલ મીડિયા પર એક વીડિયો ઝડપથી વાયરલ થઈ રહ્યો છે, જેમાં પુડુચેરીની એસ. ઓડેલિયા જાસ્મિન એક અનોખો રેકોર્ડ બનાવતી જોવા મળી રહી છે.

ચેસને ‘મગજ’ની રમત કહેવામાં આવે છે, કારણ કે સ્ટ્રેટેજી અને પ્લાનિંગ કરનાર વ્યક્તિ જ તેને જબરદસ્ત રીતે રમીને જીતી શકે છે. કેટલાક આ રમતમાં એટલા નિષ્ણાત હોય છે કે તેઓ પ્રતિસ્પર્ધીને સેકન્ડમાં હરાવી દે છે. વિશ્વનાથન આનંદ તેમાંથી એક છે. તેના નામે ઘણા રેકોર્ડ પણ નોંધાયેલા છે. પરંતુ શું કોઈ આ ગેમ રમ્યા વિના રેકોર્ડ બનાવી શકે છે. પરંતુ પુડુચેરીની યુવતીએ ચેસ રમ્યા વિના આમાં એક અનોખો વર્લ્ડ રેકોર્ડ બનાવ્યો છે, જેના કારણે સમગ્ર વિશ્વમાં તેની પ્રશંસા થઈ રહી છે.

તમને જણાવી દઈએ કે પુડુચેરીની ઓડેલિયા જાસ્મીને સૌથી ઝડપી સમયમાં ચેસનો સેટ ગોઠવીને ગિનિસ વર્લ્ડ રેકોર્ડ (GWR) બનાવ્યો છે. આનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં જાસ્મિન એક અનોખો રેકોર્ડ બનાવતી જોવા મળી રહી છે. તેણે 20 જુલાઈ 2021ના રોજ પુડુચેરીમાં આ રેકોર્ડ બનાવ્યો હતો. પરંતુ હાલમાં જ ગિનીસ વર્લ્ડ રેકોર્ડ દ્વારા સોશિયલ મીડિયા પર શેર કર્યા બાદ તે વાયરલ થયો છે.

અગાઉ આ રેકોર્ડ અમેરિકનના નામે નોંધાયેલો હતો
ગિનીસ વર્લ્ડ રેકોર્ડ્સની વેબસાઈટ અનુસાર, જાસ્મીને 29.85 સેકન્ડમાં ચેસ સેટ ગોઠવીને આ ખિતાબ જીત્યો છે. અગાઉનો રેકોર્ડ અમેરિકાના ડેવિડ રશના નામે નોંધાયેલો હતો. ડેવિસે આ સિદ્ધિ મેળવવા માટે 30.31 સેકન્ડનો સમય લીધો હતો.