નશીબ હોય તો આવું! ઓફિસ પાર્ટીમાં માણસ જીત્યો લકી ડ્રો, ઇનામમાં મળી 365 દિવસની છૂટી

ઓફિસમાં કામની સાથે લોકોને રજાની પણ જરૂર પડે છે. તેનાથી મન અને મગજને આરામ મળે છે, જેના કારણે કામ કરવાની મજા આવે છે. આવા ઘણા અહેવાલો છે, જે કહે છે કે જ્યારે કોઈ વ્યક્તિ રજાઓ પછી ઓફિસ આવે છે, ત્યારે તેની ઉત્પાદકતા વધે છે, એટલે કે તે સારું કામ કરે છે. દરેક ઓફિસમાં કર્મચારીઓને સાપ્તાહિક રજા આપવામાં આવે છે, પરંતુ આ સિવાય વર્ષમાં ઘણી રજાઓ હોય છે, જે તેઓ લઈ શકે છે. જો કે ઘણી કંપનીઓમાં કર્મચારીઓને તેમની રજા (પેઇડ લીવ) લેવા માટે ઘણો સંઘર્ષ કરવો પડે છે, પરંતુ તમને જાણીને આશ્ચર્ય થશે કે ચીનમાં એક વ્યક્તિને ઓફિસમાંથી 365 દિવસની રજા મળી છે અને તે પણ પેઇડ લીવ.

સામાન્ય રીતે ખાનગી કંપનીમાં કામ કરતા કર્મચારીઓને એક સમયે માત્ર 10-15 દિવસની પેઇડ લીવ મળે છે, પરંતુ જો કર્મચારી લગ્ન માટે રજા લઈ રહ્યો હોય તો તેની રજા એક મહિના માટે પણ લંબાવી શકાય છે. આ સિવાય તમારે મેટરનિટી લીવ વિશે જાણવું જ જોઈએ. કંપનીઓ મેટરનિટી લીવ દરમિયાન મહિલા કર્મચારીઓને 6 મહિનાની રજા આપે છે અને તે પણ પેઇડ લીવ છે, પરંતુ તમે ભાગ્યે જ સાંભળ્યું હશે કે કોઈ વ્યક્તિને સીધી એક વર્ષ માટે પેઇડ લીવ મળે છે.

ઓફિસ પાર્ટીમાં જેકપોટ જીત્યો

વાસ્તવમાં મામલો એવો છે કે ચીનના શેનઝેનમાં રહેતા એક વ્યક્તિની ઓફિસમાં પાર્ટી ચાલી રહી હતી. પાર્ટી ઓફિસની વાર્ષિક પાર્ટી હતી. આ દરમિયાન કર્મચારીઓ માટે લકી ડ્રોનું પણ આયોજન કરવામાં આવ્યું હતું, જેમાં તેમને ઓફિસ રજા સહિત ઈનામ તરીકે વિવિધ વસ્તુઓ મળી હતી.

365 દિવસ કરશે જલસા અને પગાર મળતો રહેશે

મીડિયા રિપોર્ટ્સ અનુસાર આવા જ એક લકી ડ્રોમાં એક કર્મચારીનું નસીબ બહાર આવ્યું હતું. તેને ઈનામ તરીકે 365 દિવસની રજા મળી અને વધુ સારી વાત એ છે કે તેની રજાના પૈસા કપાશે નહીં એટલે કે કામ કર્યા વગર દર મહિને તેના ખાતામાં પગાર જમા થશે. જો કે, એવું કહેવામાં આવી રહ્યું છે કે હવે કંપની તે કર્મચારીને થોડા દિવસો માટે લીવ એનકેશમેન્ટ ઓફર કરી શકે છે, જેથી તે જલ્દી કામ પર પરત ફરી શકે.