FD Rate Hike: HDFC બેંકે FD પર વધાર્યું વ્યાજ, હવે મળશે આટલો ફાયદો

નવું વર્ષ શરૂ થતાં જ HDFC બેંકે તેના રોકાણકારોને FDમાં રોકાણ કરવાની સારી તક આપી છે. ખાનગી ક્ષેત્રના ધિરાણકર્તાએ રૂ. 2 કરોડથી વધુ અને રૂ. 5 કરોડથી ઓછીની FD પર વ્યાજ દરમાં વધારો કર્યો છે. સામાન્ય નવા દરો હવે વધીને સાત ટકા થઈ ગયા છે. તે જ સમયે, વરિષ્ઠ નાગરિકોને મળતા FD વ્યાજમાં પણ વધારો થયો છે.

નવા FD દરો

HDFC બેંકે હવે 7 દિવસથી 10 વર્ષમાં પાકતી ફિક્સ્ડ ડિપોઝિટ માટે વ્યાજ દર 4.50 ટકાથી વધારીને 7.00 ટકા અને વરિષ્ઠ નાગરિકો માટે 5.00 ટકાથી વધારીને 7.75 ટકા કર્યો છે. વધારા પછી, બેંક 7 થી 29 દિવસમાં પાકતી FD પર 4.50 ટકા વ્યાજ ચૂકવશે, જ્યારે 30 થી 45 દિવસમાં પાકતી FD માટે 5.25 ટકા વ્યાજ આપવામાં આવી રહ્યું છે.

બેંક 46 થી 60 દિવસની FD પર 5.50 ટકા વ્યાજ ઓફર કરી રહી છે. તે જ સમયે, 61 દિવસથી 90 દિવસના સમયગાળાની FD માટે, 5.75 ટકાના દરે વ્યાજ આપવામાં આવશે. 90 દિવસ અને 6 મહિનાની વચ્ચેની FD પર 6.25 ટકા વ્યાજ આપવામાં આવશે, જ્યારે 190 દિવસ અને 6 મહિનાની વચ્ચેની FD પર 6:50 ટકા વ્યાજ આપવામાં આવશે.

લાંબા ગાળાની FD પર સારું વ્યાજ

HDFC હાલમાં 9 મહિના, 1 દિવસથી 1 વર્ષમાં પાકતી FDs પર 6.65 ટકા અને 1 વર્ષથી 15 મહિનામાં પાકતી FD પર 6.75 ટકા વ્યાજ દર ઓફર કરે છે. આ ઉપરાંત હવે 15 મહિનાથી 2 વર્ષ સુધીની થાપણો પર 7.15 ટકાનો વ્યાજ દર આપવામાં આવી રહ્યો છે અને 2 વર્ષ 1 દિવસથી 10 વર્ષ સુધીની થાપણો પર 7.00 ટકા વ્યાજ દર નક્કી કરવામાં આવ્યો છે.