વજન ઘટાડવાથી લઈને કેન્સરથી બચવા માટે ચેરી ટામેટાં ખાવાથી શરીરની આ ગંભીર બીમારીઓ દૂર થઈ શકે છે.

ચેરી ટામેટાં મોટા ટામેટાં કરતાં સહેજ નાના અને સ્વાદમાં મીઠા હોય છે. ઘણા લોકો તેને સલાડ અને વિવિધ વાનગીઓમાં સામેલ કરવાનું પસંદ કરે છે.

ચેરી ટામેટાંમાં ફ્લેવોનોઈડ્સ, કેરોટીનોઈડ્સ અને ફેનોલિક સંયોજનો જેવા એન્ટીઓક્સીડેન્ટ જોવા મળે છે. તેમાં વિટામિન સી અને અન્ય જરૂરી પોષક તત્વો પણ ભરપૂર હોય છે. ઘણા લોકો ખાસ કરીને આ ટામેટાંને તેમના આહારમાં સામેલ કરે છે.

ચેટ્ટી ટામેટાંમાં લાઈકોપીન જેવા કેરોટીનોઈડ જોવા મળતા હોવાથી તેને ખાવાથી હૃદય સંબંધિત સમસ્યાઓથી બચવામાં મદદ મળે છે.

જો તમે કંઈક હેલ્ધી ખાઈને તમારું વજન ઓછું કરવા ઈચ્છો છો, તો તમે તમારા આહારમાં ચેરી ટમેટાંનો સમાવેશ કરી શકો છો. કારણ કે તેમાં કેલરીની માત્રા ઓછી હોય છે.

હાઈ બ્લડ પ્રેશરના દર્દીઓ પણ ચેરી ટામેટાંનું સેવન કરી શકે છે. કારણ કે તેમાં પોટેશિયમની નોંધપાત્ર માત્રા જોવા મળે છે. ચેરી ટામેટાં ખાવાથી શરીરમાંથી વધારાનું સોડિયમ દૂર થઈ શકે છે.

તમને જાણીને નવાઈ લાગશે કે ચેરી ટામેટાં કેન્સર જેવી જીવલેણ બીમારીથી બચવામાં કારગર સાબિત થઈ શકે છે. કારણ કે તેમાં વિટામિન સીની સાથે બીટા કેરોટીન અને મેલાટોનિન હોય છે, જે કેન્સરના કોષો સામે લડે છે અને કેન્સરનું જોખમ ઘટાડે છે.

ચેરી ટામેટાં હાડકાંને સ્વસ્થ રાખવામાં મદદરૂપ છે. જે મહિલાઓને ઓસ્ટીયોપોરોસીસનું જોખમ હોય છે તે મહિલાઓને તેનું સેવન કરવાથી ઘણો ફાયદો થાય છે. આ સિવાય તેમાં એન્ટી એજિંગ ગુણ પણ જોવા મળે છે.