અફઘાનિસ્તાનમાં 4.1ની તીવ્રતાનો આવ્યો ભૂકંપ, તાજિકિસ્તાનમાં પણ ધ્રૂજી ધરતી

અફઘાનિસ્તાન અને તાજિકિસ્તાનની ધરતી ફરી એકવાર ભૂકંપના આંચકાથી હચમચી ગઈ છે. અફઘાનિસ્તાનમાં ભૂકંપના આંચકાથી લોકો ચોંકી ઉઠ્યા હતા. નેશનલ સેન્ટર ફોર સિસ્મોલોજી (NCS) અનુસાર, અહીં રિક્ટર સ્કેલ પર ભૂકંપની તીવ્રતા 4.1 માપવામાં આવી છે. તે જ સમયે, તાજિકિસ્તાનમાં 4.3ની તીવ્રતા સાથે ભૂકંપના આંચકા અનુભવાયા છે. હાલમાં જાનમાલના નુકસાનના કોઈ સમાચાર નથી.

અફઘાનિસ્તાન અને તાજિકિસ્તાનમાં ભૂકંપ બાદ ઘણા લોકો ડરી ગયા હતા. કેટલાક લોકો ઘરની બહાર નીકળી ગયા હતા. હાલમાં કોઇપણ પ્રકારનું નુકસાન થયું નથી. રિપોર્ટ અનુસાર અફઘાનિસ્તાનમાં સવારે લગભગ 4.05 કલાકે ભૂકંપ આવ્યો હતો અને તેની ઉંડાઈ 10 કિલોમીટર હતી. તાજિકિસ્તાનમાં ભૂકંપની તીવ્રતા રિક્ટર સ્કેલ પર 4.3 માપવામાં આવી હતી

તુર્કી અને સીરિયામાં ભૂકંપની તબાહી

સમગ્ર વિશ્વમાં ભૂકંપની ઘટનાઓ સતત સામે આવી રહી છે. તુર્કી અને સીરિયામાં 6 ફેબ્રુઆરીએ આવેલા વિનાશક ભૂકંપે ભારે તબાહી મચાવી છે. તુર્કી અને સીરિયામાં ભયાનક આફતના કારણે 47 હજારથી વધુ લોકોએ જીવ ગુમાવ્યા છે. તે જ સમયે, આ વિનાશક ભૂકંપમાં 80 હજારથી વધુ લોકો ઘાયલ થયા છે. તુર્કીમાં સોમવારે (27 ફેબ્રુઆરી) સાંજે ફરી એકવાર જોરદાર ભૂકંપ આવ્યો. આ દરમિયાન ભૂકંપની તીવ્રતા રિક્ટર સ્કેલ પર 5.6 માપવામાં આવી હતી.

તુર્કી અને સીરિયામાં લાખો ડોલરનું નુકસાન

તુર્કી અને સીરિયામાં 6 ફેબ્રુઆરીએ આવેલા વિનાશક ભૂકંપમાં હજારો મકાનો ધરાશાયી થયા હતા. વિશ્વ બેંકના અંદાજ મુજબ, તુર્કીમાં રહેણાંક ઇમારતો ધરાશાયી થવાને કારણે 1.25 મિલિયન લોકો અસ્થાયી રૂપે બેઘર બન્યા છે. તે જ સમયે, બંને દેશોને અબજો ડોલરનું નુકસાન થવાની સંભાવના દર્શાવવામાં આવી છે. વિશ્વ બેંકના અંદાજ મુજબ, આ દુર્ઘટનાને કારણે એકલા તુર્કીને 34 અબજ ડોલરથી વધુનું નુકસાન થયું છે.