દિલ્હીના નાયબ મુખ્યમંત્રી સિસોદિયા ગુજરાતમાં ચૂંટણી પ્રચાર શરૂ કરશે, પરિવર્તન યાત્રામાં પણ ભાગ લેશે

દિલ્હીના નાયબ મુખ્યમંત્રી મનીષ સિસોદિયા ભાજપ શાસિત ગુજરાતમાં આમ આદમી પાર્ટી (AAP)ના અભિયાનની શરૂઆત કરતા પહેલા બુધવારે સાબરમતી આશ્રમની મુલાકાત લેશે. તમને જણાવી દઈએ કે આ વર્ષના અંત સુધીમાં ગુજરાતમાં ગુજરાત વિધાનસભાની ચૂંટણી યોજાવા જઈ રહી છે.

‘પરિવર્તન યાત્રા’નું નેતૃત્વ કરશે

આમ આદમી પાર્ટીના રાજ્ય પ્રમુખ ગોપાલ ઈટાલિયાએ જણાવ્યું કે સાબરમતી આશ્રમમાં પ્રાર્થના કર્યા બાદ સિસોદિયા ઉત્તર ગુજરાતમાં ‘પરિવર્તન યાત્રા’નું નેતૃત્વ કરશે. લિયાના જણાવ્યા અનુસાર, સિસોદિયા સાબરકાંઠાના હિંમતનગર શહેરમાં ‘તિરંગા યાત્રા’માં પણ ભાગ લેશે અને દિવસ દરમિયાન જિલ્લાના તલોજ અને પ્રાંતિજ શહેરમાં સભાઓને પણ સંબોધશે.

સીએમ કેજરીવાલે સ્વદેશી શિક્ષણ પ્રણાલીનું આહ્વાન કર્યું

આમ આદમી પાર્ટીના રાષ્ટ્રીય કન્વીનર અને દિલ્હીના મુખ્યમંત્રી અરવિંદ કેજરીવાલે મંગળવારે વડોદરામાં વાલીઓ અને શિક્ષકો સાથે ટાઉન હોલ બેઠક યોજી હતી. સીએમ કેજરીવાલે અંગ્રેજો પાસેથી વારસામાં મળેલા શિક્ષણની જગ્યાએ દેશમાં “ભારતીય” અથવા સ્વદેશી શિક્ષણ પ્રણાલીની હાકલ કરી હતી. તેમણે એમ પણ કહ્યું હતું કે ભારત વિશ્વભરના વિદ્યાર્થીઓ માટે એક સ્થળ બનવું જોઈએ, જેમ કે પ્રાચીન સમયમાં નાલંદા યુનિવર્સિટી હતી.

ગુનેગારોને જેલમાં મોકલીશું

ગુજરાતના પ્રવાસે આવેલા અરવિંદ કેજરીવાલે મંગળવારે કહ્યું કે જો કેન્દ્રમાં અમારી સરકાર બનશે તો અમે ભાજપની જેમ પ્રેસ ટોક નહીં કરીએ, પરંતુ ગુનેગારોને જેલમાં મોકલીશું. કેજરીવાલે ભાજપ અને કોંગ્રેસ પર પણ મિલીભગતનો આરોપ લગાવ્યો અને કહ્યું કે આ પાર્ટીઓ નથી ઈચ્છતી કે જનતાને કેટલીક સુવિધાઓ મફતમાં આપવામાં આવે. સીએમ કેજરીવાલે કર્મચારીઓને વચન આપ્યું છે કે જો ગુજરાતમાં AAPની સરકાર બનશે તો જૂની પેન્શન યોજના શરૂ કરી દેશે.