HDFC ખાતાધારકો માટે મોટું અપડેટ, ડેટા થયો લીક! બેંકનું સામે આવ્યું આ નિવેદન

જો તમારું પણ ખાતું HDFC બેંકમાં છે તો આ સમાચાર ચોક્કસ વાંચો. દેશમાં સાયબર ફ્રોડના કેસ સતત વધી રહ્યા છે. દરમિયાન, HDFC બેંકના ખાતાધારકોનો ડેટા લીક થવાના સમાચાર છે. છેલ્લા કેટલાક દિવસોથી રિપોર્ટમાં દાવો કરવામાં આવી રહ્યો છે કે ડાર્ક વેબ પર બેંકના 6 લાખ ગ્રાહકોનો ડેટા લીક થયો છે. રિપોર્ટમાં દાવો કરવામાં આવી રહ્યો છે કે ગ્રાહકોની અંગત માહિતી લીક થઈ છે.

લોકપ્રિય સાયબર ક્રિમિનલ ફોરમ પર ગ્રાહકની માહિતી પોસ્ટ કરવામાં આવી છે. આ સંબંધિત અહેવાલો સામે આવ્યા બાદ લોકો ખૂબ જ પરેશાન છે. રિપોર્ટમાં દાવો કરવામાં આવ્યો છે કે સાયબર અપરાધીઓએ ખાતાધારકોના નામ, ઈ-મેઈલ, સરનામાં અને મોબાઈલ નંબર સાથે સંબંધિત ડેટા લીક કર્યો છે. 6 લાખ લોકોનો લીક થયેલો ડેટા ડાર્ક વેબ પર મૂકવામાં આવ્યો છે.

આ સમગ્ર મામલે HDFC બેંક તરફથી નિવેદન પણ આવ્યું છે. બેંકે સત્તાવાર ટ્વિટર એકાઉન્ટ પર ટ્વિટ કરીને આવા કોઈપણ દાવાને નકારી કાઢ્યો છે. બેંક તરફથી કહેવામાં આવ્યું કે HDFC બેંકનો કોઈ ડેટા લીક થયો નથી. બેંક દ્વારા એ પણ જણાવવામાં આવ્યું હતું કે અમારી સિસ્ટમમાં કોઈ ખોટી રીતે એક્સેસ કરવામાં આવ્યું નથી. ગ્રાહક ડેટા સંપૂર્ણપણે સુરક્ષિત છે.

બેંકે એમ પણ લખ્યું છે કે બેંકિંગ ઇકોસિસ્ટમ પર સંપૂર્ણ દેખરેખ છે. ડેટા સુરક્ષા અમારા માટે પ્રાથમિક છે. બેંક દ્વારા આવા દાવાઓને સંપૂર્ણપણે ફગાવી દેવામાં આવ્યા છે.