Sihor
સિહોર ભાવનગર વચાળે નવાગામ પાસે કાર અને આઇસર ટ્રક અથડાતા એક જ પરિવારના 7 લોકોને ગંભીર ઈજા: બે બાળકોના મોત
પવાર
- ભાવનગરના મોતીધરા વિસ્તારમાં રહેતો મુસ્લિમ પરિવાર ઇકો કારમાં સુરેન્દ્રનગરથી પરત ફરતા હતા ત્યારે વરતેજ નજીક નવાગામ પાસે અકસ્માત
સિહોર ભાવનગર વચાળે નવાગામ પાસે કાર અનેઆઇસર ટ્રક અથડાતા એક જ પરિવારના 7 ને ગંભીર ઈજા પહોંચતા બે ના મોત નીપજયા છે .જ્યારે પાંચને હોસ્પિટલ ખસેડાયેલ છે.અકસ્માતની મળતી માહિતી મુજબ ભાવનગર શહેરના મોતી ધરા વિસ્તારમાં રહેતો મુસ્લિમ પરિવાર ઇકો કાર નંબર જી જે ફોર ડી એ 6751 માં સુરેન્દ્રનગરથી પરત ભાવનગર આવી રહ્યો હતો.
ત્યારે ભાવનગર શહેરના વરતેજ નજીક નવાગામ પાસે આઇસર ટ્રક નંબર જીજે 18 બિટી 7449 સાથે ધડાકાભેર અથડાતા ઇકો કારમાં બેઠેલા 7 વ્યક્તિઓને ગંભીર ઈજા થતા 108 ઈમરજન્સી દ્વારા ભાવનગરની સર. ટી. હોસ્પિટલમાં ખસેડાયેલ. જયાં મોહમ્મદ અલી સાજીદભાઈ ખલીફા ઉં.વ. નવ માસ તેમજ સોફિયાબેન સાજીદ ભાઈ ખલીફા ઉં.વ. 7 નું મોત નિપજયુ હતું . અન્ય સારવાર હેઠળ છે. આ બનાવ અંગે પોલીસ વધુ તપાસ ચલાવી રહી છે.