ચીનની રાજધાની બેઇજિંગમાં ભારે વરસાદને કારણે 20 લોકોના મોત, મેટ્રો-રેલ સેવા સ્થગિત; 400થી વધુ ફ્લાઈટ્સ રદ કરવામાં આવી

ચીનની રાજધાની બેઇજિંગ અને તેની આસપાસના જિલ્લાઓમાં છેલ્લા ઘણા દિવસોથી ભારે વરસાદના કારણે પૂરની સ્થિતિ સર્જાઈ છે. પૂરના કારણે અત્યાર સુધીમાં 20 લોકોના મોત થયા છે અને 27 લોકો લાપતા છે.

સોમવાર સુધીમાં 260 મીમી વરસાદ નોંધાયો છે
જણાવી દઈએ કે શનિવારથી સોમવાર સુધીમાં 260 મીમી વરસાદ નોંધાયો છે. ભારે વરસાદને કારણે રાજધાનીના રેલવે સ્ટેશનો બંધ રાખવા પડ્યા હતા. 400 થી વધુ ફ્લાઈટો રદ કરવામાં આવી છે.

મેટ્રો અને રેલ સેવા સ્થગિત
તે જ સમયે, મેટ્રો લાઇન મંગળવારથી સસ્પેન્ડ કરવામાં આવી છે. સોમવાર રાતથી 100થી વધુ રસ્તાઓ પર વાહન વ્યવહાર બંધ છે. પૂરમાં ફસાયેલા 52 હજાર લોકોને સલામત સ્થળે ખસેડવામાં આવ્યા છે. બેઇજિંગ માટે આ વર્ષે વરસાદનું સ્તર અસામાન્ય છે. 2012 પછી સૌથી વધુ વરસાદ આ વર્ષે જુલાઈમાં નોંધાયો છે.

બેઇજિંગ મ્યુનિસિપલ ફ્લડ કંટ્રોલ ઓફિસના ડેપ્યુટી કમાન્ડર લિયુ બિને જણાવ્યું હતું

21 જુલાઈ 2012ના રોજ બેઈજિંગમાં સરેરાશ વરસાદ રેકોર્ડ ઊંચાઈએ પહોંચ્યો હતો. ફાંગશાન અને મેન્ટોગુઉ જિલ્લામાં સરેરાશ વરસાદ 400 મીમી સુધી પહોંચી ગયો છે, જે 21 જુલાઈ, 2012ના રોજ થયેલા વરસાદ કરતાં વધુ છે.

બેઇજિંગમાં જનજીવન ખોરવાઈ ગયું
ચીનની રાજધાની બેઇજિંગ અને તેની આસપાસના જિલ્લાઓમાં સતત ભારે વરસાદને કારણે પૂર જેવી સ્થિતિ સર્જાઈ છે. શહેરમાં બચાવ કાર્ય માટે બોટનો સહારો લેવો પડે છે.