મહંત શ્રી જીવરાજબાપુને આવતી કાલે બપોરે વિધિવત સમાધી અપાશે

મિલન કુવાડિયા
અમદાવાદઃ સૌરાષ્ટ્રના પ્રસિદ્ધ તિર્થધામ સત્તાધારના સંત જીવરાજબાપુનું 93 વર્ષની વયે સોમવારે મોડી સાંજે નિધન થયું છે. છેલ્લા ઘણા સમયથી તેમની તબિયત નાદુરસ્ત હોવાને કારણે સારવાર ચાલતી હતી. ગઈ કાલે જ મુખ્યમંત્રી વિજય રૂપાણીએ મંહતશ્રી જીવરાજબાપુની નાદુરસ્ત તબીયત અંગે ખબર અંતર પૂછ્યા હતા.

જુનાગઢ જિલ્લાના વિસાવદરથી સાત કિલોમીટર દૂર સત્તાધારની સુપ્રસિદ્ધ ધાર્મિક આપાગીગાની જગ્યાના આવેલી છે. આગાગીગાની જગ્યાના મહંત જીવરાજબાપુની તબિયત છેલ્લા ઘણા સમયથી નાદુરસ્ત હતી. સોમવારે મોડી સાંજે તેમનું નિધન થતા ગુજરાત ભરમાંથી ભક્તો તેમના અંતિમ દર્શન માટે પહોંચી રહ્યા છે. મંગળવારે મોટી સંખ્યામાં શ્રદ્ધાળુઓ પહોંચશે. આ સાથે રાજકીય આગેવાન અને સમાજના આગેવાનો પણ અંતિમ દર્શન માટે પહોંચશે.
નોંધનીય છે કે સૌરાષ્ટ્રના તીર્થ સ્થાનોમાં સત્તાધારનું આગવું મહત્વન છે. આ તીર્થ સ્થાન શ્રદ્ધાળુઓને મફતમાં ભોજન અને ગૌસેવા માટે જાણીતું છે. વર્ષોથી અહીં આવતા દરેક ભક્તોને પ્રસાદીરૂપે ભોજન આપવામાં આવે છે.